كان معاى نص جنية!!!!!!!!!!!!!!!!!!!!!!!!!!!!!!!

صحيت من النوم وكنت موهوب بصوت بنت الجيران اللى شبكها جنب شباك اوضتى لبست هدومى ودورت على الجزمة لقيتها تحت السرير الحديد ماركة حديد عز الدخيلة لبستها ودورت على فلوسى ملقيتش غير مائة جنية ونص جنية لوحدى وخرجت وانا نازل على السلم قابلتنى صاحبة البيت يا فتاح يا عليم يا رزاق يا كريم قاللتى فى الايجار يا حلو قولتلها معاى مائة جنية تاخديهم قالت ماشى والباقى هتجيبهم امتة قلت يمكن ربنا يفتكرنى واخلص من وشك الحلو ياحلو وانا فى نفسى بقول اغور من وشك العكر مفضلش معاى الا نص جنية يا ترى هروح الجرنال ازاى وانا ماشى فى الشارع لقيت فقير بيقول لله يا محسنين فقلت اديلة النص جنية ما هو معدلوش قيمة واديتهولوا ومشيت مسافة طويلة وانا طالع سلم الجرنال لقيت النص جنية بتاعى لانى كنت معلمة كان فية حتة مكسورة منة قلت سبحان الله اللى جاب النص جنية بتاعى هنا حطيتة فى جيبى ورحت الجرنال واعدت على مكتبى وبدات اشتغل وانا بشتغل عم حسنين بتاع الشاى كان عايز فكة فقلى معاك نص جنية اديتهولوا وخلصت شغلى وروحت دغرى علشان معياش مليم يوحد ربنا ونمت وطولت فى النوم لغايت ماصحيت تانى يوم الفجر وانا بقوم من على السرير لقيت حاجة وقعت منى اتلقيت النص جنية قلت دا النص جنية دا ملعون بقة وقلت مش هخدة تانى حطيتة على الطرابيزة ويدوبك اتوضيت وصليت وجيت ابص على الطرابيزة متلقيتوش ومن يوميها مشوفتوش...